په چين کې مسلمانانو د روان کال د جون په ۱۷مې نېټې لوی اختر ولمانځه.

د چين د شينجيانګ د اويغور کورواکې سيمې مسلمانانو د خوښۍ او خوشحالۍ په فضا کې لوی اختر ولمانځه او شتمنو يې قربانۍ وکړې.

د سیمې اوسیدونکو د اختر لمانځنې په پار ډول ډول خوراکونه او توکي چمتو کړي وو او په ارام او ښکلي چاپېريال کې يې لوی اختر ولمانځه.

په ورته وخت کې د شينجيانګ په بېلا بېلو ځايونو کې دوديزې لوبې او نندارې هم ترسره شوې دي.