د چین مډیا ګروپ د CGTN لخوا په دې وروستیو کې په ټوله نړۍ کې ترسره شوې سروې ښودلې چې ۹۳،۱ سلنه ځواب ویونکو له جغرافیایي محدودیتونو هاخوا د اسیا - ارام سمندر سیمې په امنیتي چارو کې د ناټو د مداخلې سخت مخالفت کړی او ۹۱،۲ سلنه ځواب ویونکي په دې باور دي چې د اسیا - ارام سمندري سیمې په امنیتي چارو کې د ناټو د ښکیلتیا د پراختیا لپاره د امریکا هڅو ته باید د شک په سترګه وکتل شي.
په سروې کې، ۹۳،۳ سلنه ځواب ویونکي په دې اند دي چې د یو هېواد امنیت باید د نورو هېوادونو د امنیت په قیمت نه وي، انسانان یوه نه بېلېدونکې امنیتي ټولنه ده او د اسیا - ارام سمندر سیمې امنیتي چارو په اړه باید د دې سیمې هېوادونه په ګډه پرېکړه وکړي.
دا سروې د CGTN په انګلیسي، هسپانوي، فرانسوي، عربي او روسي ویبپاڼو کې خپره شوې او په ۲۴ ساعتونو کې ۱۰۶۸۸ کسانو په کې برخه اخیستې او خپل نظرونه یې څرګند کړي دي.