د بوليوي ولسمشر لويس البېرتو ارس کاتاکورا د جون په ۲۶مې نېټې په پلازمېنې لاپاز کې د ولسمشرۍ ماڼۍ په شاوخوا ميدان کې د پوځي ځواکونو غير عادي راټولېدنه کودتا بللې ده.
نوموړي ويلي، پوځ او نورې ادارې باید د بوليوي ډيموکراسۍ ته درناوی ولري.
د بوليوي ځينې سرتيري او زغروال ټانکونه او نقليه وسيلې د همدې ورځې په غرمې د ولسمشرۍ ماڼۍ په شاوخوا ميدان کې ولاړ وو.
د بوليوي د ځمکنيو قواوو قوماندان زونيګا له زغروال موټر څخه کښته شو او د دغه پوځي فعاليت د مشرۍ اعلان يې کړی دی.
وېډيويي راپورونو کې ښکاري، چې د بوليوي سرتيري او زغروال ټانکونه د ولسمشرۍ ماڼۍ پر دروازې ور ننوځي.
د بوليوي پخواني ولسمشر ايو موراليس په همدې ورځ د پوځ پر دغې کړنې اندېښنه ښودلې او دا یې د سياسي روان کودتا بللې ده.
نوموړي ويلي، چې ولسمشر لویس البېرتو باید د ځمکنيو قواوو پر قوماندان زونيګا او د ده پر ملګرو دعوا وکړي.