د ((تمدن ډيالوګ)) تر عنوان لاندې د چین ميډیا ګروپ ځانګړی نندارتون د جولای په لومړۍ نېټه په نیویارک کې د ملګرو ملتونو په مقر کې پرانیستل شو.

د چین کمونېست ګوند د مرکزي کمېټې د نشراتي ادارې مرستیال او د چین میډیا ګروپ مشر شه های شیونګ د یاد نندارتون پرانیستنې مراسمو ته وینا وکړه. د ملګرو ملتونو د سرمنشي ویاند سټفنی دوجاریک، په ملګرو ملتونو کې د بریتانيا، فرانسې، سویس، هنګري او پیرو په شمول د ځینو هېوادونو دایمي استازو او ډيپلوماټانو د دغه نندارتون د پرانيستې په مراسمو کې ګډون وکړ.