د اسرائيلو، امریکا او د فلسطین د ملي واکمنۍ ادارې استازو په دې وروستیو کې په تل ابیب کې پټې لیدنې کړې او د رفح بندر د کنټرول حق او له جګړې وروسته د غزې د حکومتدارۍ په اړه یې خبرې اترې وکړې.
د اسرائيلو د معلوماتو له مخې، د اسرائیلو خوا له دې سره ټينګ مخالفت کوي، چې د فلسطین ملي واکمنۍ اداره د رفح بندر په راتلونکي مديريت کې مستقيم ګډون ولري او يوازې دا مني ، چې دغه اداره په غير رسمي ډول خپل کارکوونکي اړوندو چارو ته ولیږي. د اسرائیلو یاد دریځ. امریکا په دې اند ده چې فلسطین باید د اسرائیلو له خوا د وړاندیز شوي پلان پر اساس له جګړې وروسته د غزې په حکومتدارۍ کې برخه واخلي.
د خبرو له مخې، دا د تیر کال د اکټوبر په اوومه نېټه د فلسطین او اسرائیلو ترمنځ د شخړې له رامنځته کېدو وروسته د دري واړو خواوو ترمنځ لومړی ځل خبرې دي. تر اوسه د امریکا، اسرائیلو او فلسطین چارواکو د دغو خبرو ترسره کېدل نه دي تائید کړي.