د چين د شينجيانګ د ئيلي سيمې په موکغولکورې ولسوالۍ کې د اسماني آس په نوم په یوه موزيم کې د څه د پاسه ٢٧٠٠ کلن تاریخ لرونکو د آسونو هډوکي او نور اثار ايښودل شوي دي چې له لرغونې زمانې راهيسې په موکغولکورې کې د آسونو د روزلو تاريخ څرګندوي.

د چین لرغوني کتاب له مخې، جانګ چيان له میلاد نه مخکې په ۱۱۳م کال کې د وريښمو لارې په اوږدو کې له موکغولکورې سیمو څخه په لسګونو آسونه بیرته راوړي. دا آسونه د چین امپراتور لخوا (اسماني آس) نومول شوي. اسماني آس په څه د پاسه دوه زره کلونو کې د تاريخ عيني شاهد، د جګړې په ډګر کې يو مهم ګډون کوونکی او هم د ورېښمو د لارې پيغام رسوونکي پاتې شوي.