د چين کمونېست ګوند د مرکزي کمېټې عمومي منشي، د دولت رئيس او د مرکزي پوځي کمېټې مشر شي جين پينګ په دې وروستيو کې د چين کموېنست ګوند د مرکزي کمېټې د مختلفو څانګو او دولتي ارګانونو لخوا د ګوند د ۲۰مې مرکزي کمېټې د ۳مې عمومي غونډې روحيې د زده کړې او پلې کولو  او د ګوندي چارو باکيفيته پرمختګ په اړه مهمه لارښوونه وکړه او و يې ويل، د ګوند د ۲۰مې مرکزي کمېټې د ۳مې عمومي غونډې روحيې زده کړه او پلې کول د اوس مهال او نږدې راتلونکي لپاره د ټول ګوند او هېواد يوه مهمه سياسي دنده ده. د ګوند د مرکزي کمېټې مختلفې څانګې او دولتي ارګانونه بايد د ګوند د مرکزي کمېټې د اړوندو پرېکړو او تګلارو د تطبيق مخکښان دي او ښه نمونه دې وګرځي.