د یمن حوثي وسله والو د سپتمبر په ۲۷ مه یوه اعلامیه خپره کړه او ویې ویل چې په سور سمندرګي کې يې د امریکا پر ۳ جنګي بېړیو توغندي توغولي او د بې پيلوټه الوتکو له لارې يې بریدونه کړي دي.

د اعلامیې له مخې، هغه مهال امریکايي جنګي بېړۍ د اسرائیلو د ملاتړ په موخه روانې وې. په دې عملیاتو کې د حوثي وسله والو ۲۳ توغندي او یوه بې پیلوټه الوتکه کارول شوې. د امریکا ۳ جنګي بېړۍ په مستقیم ډول تر برید لاندې راغلې دي.