چين میډيا ګروپ د اکتوبر په ۲۲مې نېټې د روسیې په عمده رسنيو کې «د شي جين پينګ د خوښې کلاسيکې کېسې» د وېډيويي پروګرام درېيمه برخه خپره کړې ده.

د چین دولت رئيس شي جين پينګ د روسيې د ولسمشر ولاديمير پوتين په بلنه د برېکس هېوادونو د مشرانو په ۱۶مه غونډه کې د ګډون په پار د روسيې کازان ښار ته تللی دی.

د ياد وېډيويي پروګرام درېيمه برخه د روسیې د ټول روسي ټلویزیوني او ويډيويي شرکت(ВГТРК/VGTRK) او د روسیې ورځپاڼې د ویبپاڼې په شمول څو عمده رسنیو کې خپره شوې او په دغه هېواد کې يې د ډېرو خلکو پاملرنه راجلب کړې ده.

په دغه وېډيويي پروګرام کې د رئیس شي جین پينګ غوره سیاسي پوهه، ژور بشري احساسات او پراخ تاریخي او نړیوال نظرونه انعکاس شوي او د چیني شکله عصريتوب د کولتوري چارو په اړه پکې مالومات ورکړل شوي دي.