د چين دولت رئيس شي جين پينګ د نومبر په شپاړسمې نېټې د پېرو په پلازمېنې ليما کې د امريکې له ولسمشر جو بايډن سره يو ساعت او پنځه څلوېښت دقیقې لیدنه کړې او د اړيکو او نړيوالو او سيمه ييزو چارو په اړه يې ډاګیزې، ژورې او رغنده خبرې کړې دي.
رئيس شي په يادې ليدنې کې د چين او امريکا ترمنځ د اړيکو د تجربې او الهام ۷ ټکي بيان کړي او ويلي يې دي، چې دواړه هېوادونه دې مناسب ستراتيژيک تفاهم غوره کړي، د اعتماد وړ خبرې او ژمنې دې پلې کړي، يو له بل سره دې برابر سلوک وکړي، یو د بل سرې کرښې دې نه چېلنج کوي، خبرې اترې او همکارۍ دې ډېرې کړي، د خلکو هيلو ته دې ځوابونه ووايي او د لويو هېوادونو په توګه دې خپل مسئوليتونه پرغاړه واخلي او پلي دې يې کړي.
نوموړي یاد ۷ ټکي د چين او امريکا د ۴۵ کلنو اړيکو له تجربو رابرسېره کړي او د دواړو خواوو د اړيکو د لا ټينګښت لوری یې روښانه کړی دی.
د چين او امريکا اړيکو د دواړو مشرانو تر ستراتيژيکې لارښوونې لاندې ارزښتناک پرمختګ موندلی او دواړه خواوې په درنښت ورته وګوري.
ټاکل شوې، د ډونالډ ټرمپ په مشرۍ د امريکې نوی حکومت به کابو دوه مياشتې وروسته لوړه وکړي.
د رئيس شي يادو ۷ ټکو د نوې زمانې لپاره د چين او امريکې ترمنځ د سلوک مناسبه لاره روښانه کړې، چې دواړو خواوو او نړۍ ته به ګټې ورسوي.