زياتو هېوادونو د کوپ ۲۹ غونډې په ترڅ کې د اوربند غوښتنه کړې
د ملګرو ملتونو د اقليمي بدلون چوکاټي تړون د لاسليکوونکو ۲۹مه غونډه (COP29) د اذربايجان په پلازمېنې باکو کې روانه ده، چې د چين په شمول د دې غونډې نږدې ۱۳۰ برخوالو هېوادونو د ((کوپ اوربند)) وړانديز کړی دی.
په دغه وړانديز کې له مختلفو هېوادونو څخه غوښتل شوي، چې د کوپ ۲۹ غونډې پرمهال له پوځي عملياتو لاس واخلي او د اقليمي بدلون ضد دې يو موټی پاتې شي.
اذربايجان د کوپ د سږنۍ غونډې کوربه دی او په يوې اعلاميې کې یې ويلي، چې د اوربند موده د کوپ ۲۹ غونډې د ترسره کېدو له وخت سره برابر دی
په یادې اعلاميې کې د کوپ اوربند دوې اصلي موخې پر چاپېريال د پوځي عملياتو د لوګيو د اغېزو کموالی او د اقليمي بدلون ضد د يووالي او ګډو هڅو پياوړتيا ښودل شوې ده.
اعلاميه وايي، پوځي عملياتو په نړۍ کې د شنو خونو پراخ ګازونه خوره کړي، چې اندازه يې د نړۍ د شنو خونو د ګازونو د کلنۍ اندازې ۵/۵ سلنه جوړوي.