د ملګرو ملتونو د اقليمي بدلون چوکاټي تړون د لاسليکوونکو ۲۹ مې غونډې يا کوپ ۲۹ چې ټاکل شوې وه چې د نومبر په ۲۲ مه پای ته رسېږي، خو موده یې غځېدلې ده.
د دې غونډې رئيسه هېواد د نومبر د ۲۲ مې نېټې په ماسپښين اړوند وړانديز تعديل کړ.
د معلوماتو له مخې، د غونډې ګډونوال له اقليمي بدلون سره د مقابلې لپاره د بسپنې راټولولو د مشخصې موخې د ټاکلو （NCQG）په ګډون يو شمېر موضوعاتو کې د نظريو لوی توپيرونه لري.
د يادې مشخصې موخې ټاکل په روانه غونډه کې له مهمو موضوعاتو څخه دي، چې ګډونوال ورته ډېره پاملرنه کوي.
د کوپ ۱۵غونډې د پرېکړه ليک له مخې چې په ۲۰۰۹ م کال کې ترسره شوی، پرمختللي هېوادونه به هر کال پرمختيايي هېوادونو ته ۱۰۰ ميليارده ډالره ورکوي.
په روانه کوپ ۲۹ غونډه کې بېلابېلو خواوو هيله څرګنده کړې، چې د ۲۰۲۵ م کال د بسپنې راټولولو موخه به د کوپ ۱۵ د پرېکړه ليک پر اساس وټاکل شي او د فنډ یا بسپنې د اړوندو ميکانيزمونو په ترتيباتو کې به اجماع رامنځته شي.