د چين د ملي ولسي کانګرس کلنۍ غونډه په بېجينګ کې پرانيستل شوه( نوی)

د چين د ملي ولسي کانګرس کلنۍ غونډه د مارچ په پنځمه نېټه سهار په بېجينګ کې پرانيستل شوه. د چين صدراعظم ون جيا باو د دولتي شورا په استازيتوب په دغه غونډه کې څه ناڅه دری زرو تنو استازيو ته د حکومت کاري راپور خپور کړ. هغه وويل، چې د اقتصادي جوړښت د تنظيمولو په وخت کې د خلکو د ژوند ښه والی د چين د حکومت د کارونو مهم ټکی وي.

دغه راپور په راتلونکو پنځو کلونو کې د چين د حکومت عمده دندې ټاکلې دي چې د اقتصاد د زياتوالي موخه به د کيفيت د لوړتيا او د ګټو د زياتوالي پر بنسټ کلنی منځنی اونډول په سلو کې اووه وي او د ٢٠١٠ کال د بيو په حساب به په ٢٠١٥ کال کې د کورنيو توليداتو د عمومي ارزښت له پنځه پنځوس زره مليارډو څخه زيات شي.

د معلوماتو له مخې، څه نا څه دری زره تنه استازي به په دغه نهه نيمه ورځنې غونډه کې د حکومت کاري راپور او د ملي ولسي کانګرس د دايمي کميټې کاري راپور سنجش وکړي او د ملي اقتصاد او ټولنې د پرمختګ په اړه د دوولسم پنځه کلن پلان د مسورې څارنه وکړي. (غوټۍ)