د چين د انکشاف او اصلاحاتو کميټې مشر جانګ پينګ د مارچ په شپږمه نېټه په بېجينګ کې په يوه خبري ناسته کې وويل، چې د راتلونکو پنځو کلونو لپاره د چين د پرمختګ د پلان يوه ځانګړتيا د علمي پرمختګ پر موضوع او د اقتصاد د پرمختګ د لارو چارو داصلاح او بدلون پر نظريو ټينګا کول دي.
ښاغلي جانګ په همدې ورځ د ملي ولسي کانګرس د کلنۍ غونډې په اړه يوه مطبوعاتي غونډه کې وويل، چې چين د راتلونکو پنځو کلونو لپاره د پرمختګ پلان د جوړولو په وخت کې د خلکو اړتياوو او پر له پسی پرمختګ ته ډېره پاملرنه کوي. نوموړي وويل، چې د دغه پلان سره سم به چين نه يوازی له نړيوال پولي بحران سره د مقابلې لپاره اړوندې تګلارې او تدبيرونه ونيسي، بلکې تر ٢٠٢٠ کاله پورې به د شتمنې ټولنې د جوړولو لپاره کلکې زمينې برابرې کړي. (غوټۍ)
