په چين کې ٥ کلونو کې ٣٧ مليونه ٤٣٠ زره تنه بېوزلي وګړي کم شوي دي

د چين د دولتي شورا د بېوزلۍ د له منځه وړلو دفتر د مارچ په ٦ نېټه وويل، له ٢٠٠٦ کال څخه تر ٢٠١٠ کال پورې په چين کې د بېوزلو وګړيو شمېر له ٦٤ مليونه ٣١٠ زره تنو څخه ٢٦ مليونه ٨٨٠ زره تنو ته ټيټ شوی چې په ٥ کلونو کې ٣٧ مليونه ٤٣٠ زره تنه کم شوي دي.

د نوموړي دفتر وياند هونګ تيان يون په همدې ورځ په بېجينګ کې وويل، په تېرو ٥ کلونو کې چين په هر اړخيزه توګه د ښارونو او کليو پرمختګ پياوړی کړی. د خبر له مخې، په راتلونکو ٥ کلونو کې به د چين عمده دنده دا وي چې په بنسټيزه توګه بېوزلي له منځه يوسي او د پرمختګ لارو چارو اصلاح بدلون او د غوره کسانو سرچينو پرمختګ ته لا زياتې پاملرنې وکړي.

ژباړونکې: ليلا