د مارچ په ٦مه نېټه د چين د يوولسمې دورې د ولسي سياسي مشورتي کنفرانس څلورمې غونډې په اړه يوه مطبوعاتي غونډه ترسره شوه چې عمومي موضوع يې د اقتصادي پرمختګ د لارو چارو د بدلون چټکتيا او د دوو لسم پنځه کلن پلان په موده کې د اقتصاد او ټولنې علمي پرمختګ و. په دغه غونډه کې د ولسي سياسي مشورتي کنفرانس ملي کميټې غړيو د شرکتونو د اصلاحاتو او د شيانو د بيو په اړه د خبريالانو پوښتنو ته ځوابونه ورکړل.
مشهور اقتصاد پوه لي يي نينګ په غونډه کې وويل، په ٢٠١٠ کال کې په چين کې د پيسو پړسوب لاملونه ډول ډول وو. خو د چين د مرکزي بانک له خوا د امدادي پيسو اندازې لوړتيا د پيسو د پړسوب د کنترول لپاره اغيزمنه وه. هغه وويل، که څه هم د نفتو نړيوالې بيې لوړتيا او اقليمي بدلون چې د شيانو بيو د لوړيدو دوه عمده لاملونه دي، ترکنټرول لاندې نشي راوستلی، خو هڅې کولای شي چې د پيسو د پړسوب اندازه څه نا څه تر کنټرول لاندي شي.
