په راتلونکو پنځو کلونو کې به چين د نړۍ د دايمي سولې او ګډ سمسورتيا لپاره لا زيات خدمتونه ترسره کړي.

د چين د بهرنيو چارو وزير يانګ جي چه د مارچ په اوومه نېټه په بېجينګ کې څرګنده کړه چې په راتلونکو پنځو کلونو کې به د چين د ډيپلوماتيکو کارونو عمده موخه دا وي چې په هره ساحه کې د شتمنې ټولنې د جوړولو لپاره لا ښه نړيوال شرايط برابر کړي او د نړۍ د دايمي سولې او ګډ سمسورتيا لپاره لا زيات خدمتونه وکړي.

وزير يانګ جي چه د چين د ملي ولسي کانګرس د کلنۍ نوبتي غونډې په اړه يوه خبري ناسته کې وويل، چې په راتلونکو پنځو کلونو کې به د چين ډيپلوماټيک کارونه د اقتصادي پرمختګ د لارو چارو د بدلولو لپاره ښه زمينه برابره کړي او د مشرانو ترمنځ د تګ راتګ په رڼا کې به له بېلا بېلو هېوادونو او سيمو سره په هره ساحه کې د دوه اړخيزو او څو اړخيزو سياسي، اقتصادي او کولتوري تبادلې لپاره ډيپلوماټيک جوړښت جوړ کړي.

نوموړي وويل، چې د چين ډيپلوماسی به د نړيوالې ټولنې ترمنځ د همکارۍ او د سيمه ييزې همکارۍ د ژورتيا لپاره لا ستر خدمتونه ترسره کړي. (غوټۍ)