د چين د بهرنيو چارو وزير يانګ جي چه د مارچ په اوومه نېټه څرګنده کړه چې چين او امريکا ه په نړيوالو او سيمه ييزو مسئلو کې اغيزمن هېوادونه دي. د دغو دواړو هېوادونو ترمنځ د همکارۍ اړيکې ټينګښت د زمان له پرمختګ سره سمون خوري او د دواړو هېوادونو ترمنځ د همکارۍ د ژورتيا لپاره ګټور دی.
وزير يانګ په همدې ورځ په يوه مطبوعاتي غونډه کې وويل، چې د دواړو هېوادونو مشرانو د دوه اړخيزو اړيکيو د پرمختګ لپاره لاره پرانيستلې ده. موږ بايد د دواړو مشرانو ترمنځ د تر لاسه شويو ګډو نظريو د پلی کېدو او د دواړو هېوادونو ترمنځ د همکارۍ د پياوړتيا لپاره هڅې وکړو. نوموړي وويل، چې که څه هم د چين او امريکا ترمنځ يو شمېر توپيرونه او لانجې لا هم موجودې دي، خو دا واقعيت دی او دواړه هېوادونه بايد د متقابل درناوی پر بنسټ دغه مسئلې حل کړي. (غوټۍ)
