چين هيله لري چې بهرني خبريالان د چين د قوانينو مراعات وکړي

د چين د بهرنيو چارو وزير يانګ جي چه د مارچ په اوومه نېټه په بېجينګ کې وويل، چين يو داسی هېواد دی چې پکې قانوني نظام پلي کوي، او له قانون سره سم د خبريالانو اداره تر سره کوي ، نو هيله من دی چې بهرني خبريالان د چين د قوانينو مراعات وکړي .

يانګ جي چه په همدې ورځ د ملي ولسي کانګرس په يوه نوبتي خبري ناسته کې وويل ، چين له قانون سره سم خپل کارونه تر سره کوي او د خبريالانو د قانوني او معقول راپورتاژ لپاره بېلا بېلې استانتياوې برابروي چې دا تګلاره به په راتلونکي کې بدل نشي . چين به په دغه برخه کې خپلې تګلارې ته دوام ور کړي او هيله لري چې بهرني خبريالان د چين د قوانينو مراعات وکړي.

ژباړونکې: غاټول