د چين د بهرنيو چارو وزير يانګ جيی چه د مارچ په اوومه نېټه په بېجينګ کې هيله څرګنده کړه چې د شلو هېوادونو ډلې سرمشريزه غونډه چې د روان کال په دوهمه نيمه کې به د فرانسې په کانيس کې تر سره شي، د بحران سره د مقابلې له لنډمهالي ميکانيزم څخه په دايمي ميکانيزم بدل کړي.
ښاغلي يانګ په يوه خبري ناسته کې د فرانسې د فيګارو ورځپاڼې د خبريال پوښتنې ته په ځواب کې دغه څرګندونه وکړه او و يې ويل دغه ډله د اقتصاد او ماليی د ننګونو سره د مقابلې په اړه يوه مهمه صحنه او د ګردې نړۍ په چوکاټ کې د نوی ډول همکاريزو اړيکو د ټينګېدو په هکله ګټوره ازموينه ده او له دې څخه څرګندېږی چې د نړيوال اقتصاد په جوړښت کې ستر بدلون رامنځته شوی دی.(هيله)
