د سپتمبر په ٣مه نېټه په بېجينګ کې د جاپاني تيري پر ضد د چين د ملي جګړې او د فاشيزم پرضد د نړيوالې جګړې د برياليتوب ٧٠مې کليزې د يادونې غونډه تر سره شوه. د روسيې د ولسمشر ولاديمير پوټين او د جنوبي کوريا د ولسمشرې پارک کينهوی په شمول د ٢٠ هېوادونو مشرانو او د بلو ١٩ هېوادونو حکومتي استازو او د نورو نړيوالو سازمانونو مسئولينو په غونډه کې ګډون کړی و. د چين نړيوالې راډيو د انګليسي، روسي، جاپاني او عربي ژبو په شمول په ١٦ ژبو د ګډون کوونکو مشرانو او مېلمانو لپاره د مراسمو د ژوندۍ ژباړې خدمتونه تر سره کړل.
