د چين دائره المعارف په اويغوري ژبه چاپ شو

د چين نړيوالې راډيو د خبر له مخې، د چين دائره المعارف د سپتمبر په دوه ويشتمه نېټه په اويغوري ژبه چاپ شو. دا د چين د ولسي جمهوريت د جوړېدو وروسته د ژباړنې په ساحه کې يو اهميت لرونکی کار دی چې دا دائره المعارف لس ټوکه او ٢٦ مليونه کريکترونه لري او له دوو سوو ژباړونکو ، مولفانو او مصححانو لخوا د پنځو کلونو کوششونو وروسته په رسمي توګه له چاپه ووت. ددې کتاب په چاپولو سره د ملي لږکيو وګړي د علمي او کولتوري معلوماتو څخه ګټه اخيستی شي، ملي يووالي ټينګېدای شي او د وطن د وحدت او د اوږدې مودې لپاره د شينجيانګ د ټولنيز ثبات او ارامۍ د ساتلو لپاره ډير اهميت لري .