د سينهوا اژانس د خبر له مخې، د چين د کمونېست ګوند د مرکزي کميټې د سياسي بيرو غړي او د سياسی او قانوني کميسيون منشي منګ جيان جو څو ورځې مخکې د چين د قومي کولتور په ماڼۍ کې د شينجيانګ د اويِغور د خپلواکې سيمې د جوړېدو د ۶۰مې کاليزې د برياليتوب په نوم له يوه نندارتون څخه کتنه وکړه.
نوموړي وويل، چې په تېرو شپيتو کلونو کې شينجيانګ د اقتصاد، ټولنې او د قومي يووالي په ساحو کې د ليدو وړ برياليتوبونه تر لاسه کړي دي او چټک پرمختګ يې موندلي دی. هغه زياته کړه چې د ټولنې دايمي ثبات او امنيت د شينجيانګ د سمسورتيا او پرمختګ اساسي بنسټ دی.(غوټۍ)
