د ورېښمو سمندري لارې په اوږدو کې د پرتو هېوادونو عمده خبري رسنيو له تيان جين ښار څخه ليدنه وکړه

د چين نړيوالې راډيو د خبر له مخې د اګست په لسمه نېټه د چين نړيوالې راډيو،د چين عامه ديپلوماتيکې ټولنې،د تيان جين ښاروالۍ د تبليغاتي څانګې او د تيان جين ښار اړوندو اورګانونو په ګډه سره دغه ښار ته د ورېښمو لارې په اوږدو کې د پرتو هېوادونو عمده خبري رسنيو د سفر په نوم يو لړ فعاليتونه پيل کړي او د اړوندو هېوادونو د شلو خبري رسنيو استازو او لسو کورنيو خبري رسنيو خبريالانو ته بلنې ور کړې تر څو دوی د تيان جين بندر،د دونګ جيانګ د مالياتو امتيازي سيمې او د دغه ښار د ازادې سوداګرۍ له مرکز څخه ليدنه وکړي او د دې ښار د ابادۍ او د ورخلاصون او اصلاحاتو په هکله نوی معلومات تر لاسه کړي.