 |
||
 |
||
 |
||
|
||
|
||
|
||
|
||
|
د سينهوا اژانس د خبر له مخې، د افغانستان د حکومت اجرائيه رئيس او ولسمشرۍ ته نوماند ډاکټر عبدالله عبدالله د دسمبر په ۲۲مه نېټه د يوې مطبوعاتي غونډې په جوړولو سره اعلان وکړ چې هغه د ولسمشرۍ د ټولټاکنو لومړنۍ پايله نه مني.
هغه په دې خبري ناسته کې وويل، د ټاکنو خپلواک کمېسيون لخوا خپرې شوې پايلې ورته د منلو نه دي او د ټاکنو شکاياتو خپلواک کمېسيون څخه يې وغوښتل چې ټول شکايتونه وڅيړي او له قانون سره سم د ټاکنو نتيجه خپره کړي.
د افغانستان د ټاکنو خپلواک کمېسيون د دسمبر په ۲۲مه نېټه د ولسمشرۍ ټاکنو لومړۍ پايلې اعلان کړې چې له مخې يې اوسني ولسمشر اشرف غني ۵۰.۶۴ سلنه رايې او عبدالله عبدالله ۳۹.۵۲سلنه رايې تر لاسه کړې دي. (شکريه)
| © China Radio International.CRI. All Rights Reserved. 16A Shijingshan Road, Beijing, China. 100040 |
