د چين ساينسي او تخنيکي نوښتونو ټولو انسانانو ته ګټې رسولې

د چين ساينسپوهې چن وې په دې وروستيو ورځو کې د کوويد-۱۹ ويروس پر ضد واکسين د څېړنې بهير د معرفي کولو په وخت کې په وياړ سره وويل چې موږ په نړۍ کې تر ټولو مخکې لومړی د کلينيکي ازموينې ډېټا خپروو ، د امريکا په پرتله ۵ ساعته ګړندي يو. د دوهم پړاو کلينيکي ازموينې اړوندې شمېرې د جولای په ۲۲ او ۲۴مه نېټه په لانسېټ مجله کې خپرې شوې کومې چې په نړۍ کې تر ټولو لومړی دی. د کوويد-۱۹ وبا د ناڅاپي خپرېدو پر وړاندې، د ساينس او ټېکنالوژۍ د نوښت په برخه کې د چين توان يوځل بيا ازمايل شوی او د ۱۳م پنځه کلن کلن پلان په موده کې د ساينسي او ټېکنالوژيکي پرمختګ يوه بېلګه ګرځېدلې ده.

ليدل کېږي چې په تېرو پنځو کلونو کې ، د چين د ساينسي او ټېکنالوژۍ نوښتونه په لېوالتيا سره رامنځته شوي او لومړنی لامل يې دا دی چې د چين مشرانو نوښت ته د پرمختګ لپاره د لومړي خوځنده ځواک په توګه ګوري. د برازيل د ساو پاولو ايالت د اړوندې برخې کارپوه فيرنانديز وويل چې چين د ساينس او ټېکنالوژۍ په برخه کې د نړۍ نامتو لاسته راوړنو د ترلاسه کولو مهم لامل يو کليدي لامل د ملي پرمختګ غوره ستراتيژي ده. د لندن د سياسي او اقتصادي علومو ادارې د انستېتيوټ د پروفيسر مرستيال جوناتان په دې وروستيو ورځو کې د يوې مقالې په خپرولو سره وويل چې په چين کې د نړيوالې ټېکنالوژۍ مشرۍ رامنځته کېدل د ملي او سيمه ييزې کچې د لوړو ټېکنالوژيکو صنعتونو د هڅولو پاليسي په شمول د ځانګړو کورنيو عواملو له امله رامنځته کېږي.

په عين وخت کې ، د چين ټېکنالوژیکي نوښت هم د څېړنيزې پانګونې له زياتوالي او د نوښت چاپيريال له ښه والي څخه ګټه پورته کړې. په ۲۰۱۹ کال کې ، د اړوندو څېړنو لپاره د چين لګښتونه ۲۲۱۰ ميليارډو يوانو ته رسېدلي چې د اروپايي ټولنې له منځنۍ سويې څخه اوښتي دي. تر پنځه کلن پرمختګ وروسته ، د چين د ټېکنالوژۍ نوښت د لوړ کيفيت پرمختګ لپاره قوي خوځنده ځواک برابر کړی. په ۲۰۱۹ کال کې ، د چين د ساينسي او تخنيکي پرمختګ د ونډې کچه ۵۹ اعشاريه ۵ سلنې ته رسېدلې او ښايي روان کال دغه شمېره ۶۰ سلنې ته ورسېږي.