د روتورز اژانس د جولای په پنځلسمه نېټه دې ته اشاره وکړه چې دا د بازار له اټکل سره سمون لري چې پر توليد او پانګونې باندې د بهرنيو اړتياوو د کموالي د اغيزې له امله د سږ کال په دوهمه څلورمه کې د چين اقتصاد پرمختيايي انډول له لومړۍ څلورمې څخه صفر اعشاريه دوه سلنه کم شوی دی.
د روتورز اژنس وويل، د چين صدراعظم لي که چيانګ اقتصادي اصلاحاتو ته په درنه سترګه ګوري او د ده په اند حکومت اړتيا نلري چې د اقتصادي زياتوالي د ورو والي په وړاندې په بېړنۍ توګه هڅوونکي تدبيرون ونيسي. دغه راز اقتصادپوهان په دی نظر دي چې چيني حکومت به د اقتصاد د هڅولو لپاره ګړندی تدبيرونه و نه نيسي او اوسني پاليسي به بدله نه کړي، ځکه حکومت دايمي اقتصادي اصلاحات مومي او غواړي چې د لګښتونو د هڅولو په وسيله اقتصاد ته پرمختګونه ورکړي، نه د صادراتو او پانګونو له لارې.
د روتورز د خبر له مخې، ځکه خپره شوې اقتصادي شمېرنه له اټکل سره سمون لري، نو د چين د اقتصادي پرمختګ د ورو کېدو په اړه د خلکو اندېښنه سپکه شوې ده.
د امريکا د نيويارک ټايمز ورځپاڼې د ويبپاڼې د خبر له مخې، د چين د اقتصادي پرمختګ ورو کېدل تر يوې اندازې د چيني حکومت يوه ټاکلې لاره ده چې حکومت د ابادۍ د پخوانيو لارو چارو د بدلولو په هڅه کې دی او د لا ګټور او دواملرونکی پرمختګ موندلو ته مخه کوي. په دې وروستيو مياشتو کې د چيني مشرانو له خبرو څخه څرګنديږي چې د راتلونکو دايمي ګټو لپاره د اقتصادي پرمختګ د سرعت ټيټوالی د منلو وړ دی. په دغه خبر کې د اقتصادپوه پاول ګلنوارډ هغه خبره ياد شوي چې تر اوسه نه دی اورېدل شوې چې چيني حکومت د اقتصادي پرمختګ د چټکولو لپاره نور ګامونه پورته کوي، نو د دوي په اند دا د منلو وړ ده چې د اقتصادي پرمختګ انډول اوه سلنه شاو خوا دی، چيني حکومت د اقتصادي پرمختګ او د پولي چارو د ثبات ترمنځ برابرې اړيکې پېژندلي.
د امريکا د والي سټريټ ورځپاڼې په خپله ويبپاڼه کې يو خبر خپور کړ. پکې ويل شوي چې سږ کال د نړيوال اقتصاد لپاره د چيني اقتصاد د خدمت انډول ديارلس سلنه دی چې د ٢٠٠٦ کال په پرتله ډېر لوړ شوی دی. که څه هم د اقتصادي پرمختګ سرعت ټيټ شوی دی، خو چيني اقتصاد د ګردې کرې لپاره اوس هم ډېر اغيزمن دی.
ياد خبر په ځانګړۍ توګه دې ته اشاره کړې چې اوس د چين د اقتصادي پرمختګ ورووالي پر امريکا باندې نه ده اغيزه نه ده کړې، ځکه چين ته د ځينو امريکايي توليداتو صادرات ، د بېلګې په توګه الوتکې او الکترونيکي توليدات، لا هم د ودې په حال کې دي.
د دې مسئلې په هکله چې اوسمهال بايد په چين کې پانګونې واچولو شي که نه، د بي بي سي ويبپاڼې د يوې نړيوالې پانګه اچوونکې تصدۍ د مسئول ټام سټيونسن په وينا خبر ورکړ، چې پانګه اچوونکي بايد د چين د اقتصادي پرمختګ د ورووالي له امله دغه هېواد ته په سپکه سترګه و نه ګوري، اوسمهال کټ مټ په چين کې د پاګونو اچول ډېر ښه فرصت دی.
نوموړي دې ته اشاره وکړه چې د جاپان او جنوبي کوريا د تجربو سره سم، نوی څرګندوونکی اقتصاد د ودې په هغه مرحله کې دی چې د پرمختګ خوځنده ځواک يې له پانګونې څخه مصرف ته بدل شوی دی، د کورنيو توليداتو عمومي ارزښت د زياتوالي انډول يې هرومره ټيټيږي.
د ښاغلي سټيونسن په نظر د پام وړ دی چې د چين د اقتصادي جوړښت له بدلېدو وروسته به د پانګونې وړ نوې ساحې رامنځته شي. د بېلګې په توګه د ښاري کيدو د چټکوالي سره سره، ګڼ شمېر وګړي به ښارونو ته ننوزي، دغه راز د روغتيا او طبي چارو تصدۍ او د اوبو او بريښنا برابروونکي تصدۍ به ترې ګټې واخلي.
20130718jingji
|
© China Radio International.CRI. All Rights Reserved. 16A Shijingshan Road, Beijing, China. 100040 |