شو فې هونګ په چين کې له افغان لوی سفير سلطان احمد بهين سره وکتل

د ٢٠١٢ کال د جنورۍ په ٢مه نېټه سفير شو فې هونګ په چين کې د افغان لوی سفير سلطان احمد بهين په وياړ يوه ځانګړې مېلمستيا جوړه کړه. شو فې هونګ د دواړو هېوادونو ترمنځ د اړيکو د ټينګېدو په برخه کې د ښاغلي بهين د وتليو خدمتونو ستاينه وکړه او څرګنده يې کړه چې د نوموړي ماموريت په دوره کې د دواړو هېوادو ترمنځ د همکارۍ کچې د لوړولو لپاره بې درېغه هڅې کړي.