د افغانستان د ولسمشر دوهم مرستيال ښاغلي محمد کريم خليلي د چارشنبې په ورځ کابل کې د چين سفارت ته ولاړ او د چين حکومت او خلکو ته يې د پسرلني اختر مبارکي وويله.

ښاغلي خليلي وويل د چين د پسرلني اختر په رارسېدو سره هغه د افغانستان د حکومت او خلکو او ولسمشر حامد کرزي په استازيتوب د چين حکومت او خلکو ته تودې مبارکي وايي.هغه هيله څرګنده کړه چې په نوي کال کې د دواړو هېوادونو تر منځ اړيکې نورې ټينګې، په بېلا بېلو ساحو کې د دواړو هېوادونو همکارۍپراخې او د دواړو هېوادونو وګړيو تر منځ دوستۍ نورې هم ژورې شي.

په افغانستان کې د چين سفير شو فې هونګ د ښاغلي خليلي له مبارکۍ مننه وکړه او هيله مندي يې څرګنده کړ چې په ګډ کوښښونو سره د دواړو هېوادونو تر منځ اړيکې به هرومرو ښه راتلونکې ولري