中国国际广播电台
شينجيانګ په چين کښی د مالدارۍ له مهمو سيمو څخه شميرل کيږی
او د ژويو ډولونه يی زيات دی
چه له لرغونی زمانې راهيسی د
غوره او مشهورو اسونو روزونکی
سيمه ده ٠ پسونه د شينجيانګ
عمده کورنی حيوانات دی او
غوايان، اسونه، وزې ، خر، کچر
، ښان او خژګاو يی هم مشهور
دی٠ په شينجيانګ کښی د پسونو د
غوښو توليدی اندازه په چين کښی
دوهم مقام نيسی او د کورنيو
ژويو عمومی شمير يی څه دپاسه
څلويښت مليونو ته رسيږی٠
د شينجيانګ د طبيعی څړځايونو عمومی مساحت يی پنځه
لکه اويا زره هکتارو ته رسيږی
او دا حجم د شينجيانګ د
کرنې ، ځنګلدارۍ او مالدارۍ د
مځکو د عمومی مساحت په سلو کښی
اووه اتيا برخه نيسی٠ د طبيعی
څړځايونو منابع په شينجيانګ کښی
د مالدارۍ د انکشاف اساسی او
عمده توليدی وسائل دی او د
شينجيانګ د ژويو او د
مالدارۍ د توليداتو په سلو
کښی اويا برخه له طبيعی
څړځايونو څخه ګټه اخلی ٠
شينجيانګ په چين کښی د ژويو د نويو ډولونو د
روزلو مرکز دی، اوس د
شينجيانګ نرم وړی لرونکی
پسونه، د چين د ميلينو پسونه ،
د شينجيانګ قره قلی ورکوونکی
پسونه، د شينجيانګ سپيره
غوايان او د ايلی اسونه د
شيجيانګ لخوا د روزل شويو
ژويو نوی ډولونه دی٠ دغه ژوی
لوړ اقتصادی ارزښتونه لری چه
نه يوازی د شينجيانګ ، بلکه د
چين د ټول هيواد د مالدارۍ
قيمتی منابع او د حيواناتو د
روزنی مهم ځای دی٠
|
