د چين کمونست ګوند د چين د کارګری طبقی ، د چين  د خلکو اوچينی ملت سرأهنګ ګڼل کيږی او د چين د خصوصيت لرونکی  سوسياليزم د ودانولو دداعيی د لارښوونی  زړی دی  . هغه د چين د پرمختللی توليدی قواؤ د انکشافی غوښتنی ، د چين د مترقی فرهنګ د پرمختګ  د جهت او دچين د ګڼ شمير وګړو د اساسی ګټو نمايندګی کوی .

         د چين  د کمونست ګوند عالی ارمان  او أخری مرام  د کمونيزم  ترسره کول دی  . د ګوند  په  اساسنامه کی ټاکل شوی چه  د چين کمونست ګوند  مارکسيږم –لنينيزم  ، دماو زه دونګ افکار ، د دينګ شياو پينګ  تيوری او (( د درو  نمايندګيو )) په باب مهمه مفکوره  د خپلو عملياتود لارښود په توګه  ګڼی .

     د چين کمونست ګوند د ١٩٢١کال د جولای په مياشت کی جوړشوی . د ١٩٢١کال نه نيولی تر ١٩٤٩کاله پوری د چين  خلکو د کمونست ګوند تر لارښوونی لاندی د ګرانو او سختو مبارزو نه وروسته د امپراليزم  ، فيوډاليزم  او بوروکرات کاپيتاليزم تسلط  سرچپه کړی  او د چين  ولسی جمهوريت  يی جوړ کړی دی . د نوی چين  د جوړيدو نه راوروسته  د چين د کمونست ګوند په  مشرۍ  دهيواد د بيلا بيلو قومونو  وګړو ملی خپلواکی  او امنيت  ساتلی  ، په بريالی ډول يی د چين  ټولنه  دنوی ديموکراسی  څخه  د سوسياليزم  مرحلی  ته  رسولی او د پلان  سره سم  يی  په  لويی  پيمانی سره د سوسيالستی ابادۍ  په بهير پيل کړی ،  او په دی توګه   د چين اقتصادی او فرهنګی چارو  په تاريخ کی بی ساری  او ستره ترقی موندلی ده .

      په ١٩٥٦کال کی د توليدی وسايلوپه برخه کی د سوسيالستی اصلاحاتو د دندې  د ابتدايی  ترسره کيدونه وروسته  د سوسياليزم   د ودانولو او ابادولو په  بهير کی د چين کمونست ګوند د  تجربو د کمبود  او کموالی له امله  ځينی سهوې  وکړې  ،په تيره بيا  له ١٩٦٦نه نيولی تر ١٩٧٦کاله پوری   په لسو کالو کی  د  (( لوی کلتوری انقلاب  ))   سخته سهوه وشوه  .

        د ١٩٧٦کال د اکتوبر په مياشت کی د (( لوی کلتوری انقلاب ))  د غورځنګ  په پای ته  رسيدو  سره  چين نوی تاريخی انکشافی دوری ته  داخل شوی دی . د ١٩٧٨کال په  پای کی دچين د کمونست ګوند د ١١می مرکزی کميټی  د ٣م پلينوم  د جوړيدو له برکته  د نوی چين د جوړيدو راپديخوا  ستر او ژور اهميت لرونکی  بدلون  سرته رسيدلی دی  . په١٩٧٩کال کی  دچين کمونست ګوندد دينګ شياو پينګ  د اصلاحاتو او ورخلاصون د پاليسی  په  اجرا کولو پيل وکړ  . له هغه وخته راهيسی  چين د ملی اقتصاد او ټولنيزی ترقۍ په ساحو کی  د نړيوالو د ليدو وړ او  ستر برياليتوبونه لاس ته راوړی  او  دهيواد  په  بڼه کی يی د أسمان او مځکی په شان  ستر بدلونونه  رامنځ ته کړی  دی . دغه  دوره  د چين د ولسی جمهوريت د جوړيدو راهيسی  د هيواد د انکشافی حالاتو ډيره غوره  دوره  ګڼله کيږی  او  په دی دوره کی هيوادوالو ته رسيدلی واقعی ګټی  له  هری  تيری  دوری  نه  اوښتی دي  .    

د چين کمونست ګوند  په دی ټينګار کوی چه  له  بهرنيو هيوادونو او سيمو سره خپلو روابطو ته زياته پرمختيا ورکړی  او د چين اصلاحاتو اوورخلاصون  او عصری ابادۍ  ته د ګټور نړيوال چاپيريال  د رامنځ ته کولو لپاره هڅه وکړی . په نړيوالو چاو کی د چين کمونست ګوند د خپلواکی  او سولی  په خارجی سياست باندی ټينګار کوی ، د چين  استقلال  او حاکميت  ساتی ، له تسلط غوښتنی اود زور له سياست  سره مخالفت کوی ، جهانی سوله  ساتی  او د بشريت  ترقی  پرمخبيايی   .  د ملی حاکميت  او مځکنی بشپړتيا د باهمی احترام  ، پريو بل باندی د تجاوز نه کولو ، د يو بل  په کورنيو چارو کی د لاس نه وهلو ، د مساوات او متقابلو ګټو اوپه سوله کی د ګډ ژوند د پنځه ګونو اصولو پر اساس  د نړۍ له مختلفو هيوادونو سره روابط  ټينګوی .  د چين کمونست ګوند د خپلواکی او استقلال ، پوره مساوات  ، باهمی احترام  او د يو بل  په  داخلی  چارو کی د نه مداخلی  په شمول  د ٤ فقره ايز اصل سره سم  د نړۍ د بيلا بيلو هيوادونو له ګوندونو  اونورو سياسی سازمانونو سره  دوستانه  مناسبات  قايموی  او هغو ته  پرامختيا ورکوی . اوس  د چين کمونست ګوند د څه دپاسه ١٢٠  هيوادونو له  ٣٠٠ نه زياتو سياسی ګوندونو سره  دوستانه روابط  ساتی  .

   د چين کمونست ګوند د خپلو مرام نامی  او اساسنامی  له مخی  د ديموکراسۍ او سنټراليزم  د پرينسيپ  پراساس   جوړشوی  واحده موسسه  ګڼل کيږی  . د چين  د کمونست ګوند په اساسنامه کی  ټاکل شوی چه د چين  هغه  هرکارګر،بزکر،عسکر ،منور  او د ټولنيزو طبقو نورممتاز او مترقی  شخصيت  چه  عمر يی  ١٨ کالو ته رسيږی  ،که  د ګوند مرام نامه اواساسنامه  وپيژنی او حاضر وی  چه  د ګوند  په  يوه  اساسی   سازمان کی ګډون وکړی  او پکی  په  فعاله توګه  کار وکړی ، د ګوند هره فيصله  عملی کړی   او د ټاکلی  وخت  لپاره  ګوندی حق العضويت  ادا کړی  ، نو هغه  د چين په کمونست ګوند کی  د شامليدو غوښتنه  وړاندی کولای شی .

د چين د کمونست ګوند په اړوندو مرکزی  موسسو کی  ملی کانکرس ، مرکزی کميټه ، د مرکزی کميټې  سياسی  اداره ، د مرکزی کميټې  دسياسی  بيورو دايمی کميسيون  ، د مرکزی کميټې  سکرتريت  ، د مرکزی کميټی  نظامی کميسيون  او د مرکزی کميټې  د انضباط او څارنوونکی کميسيون  شامل دی .  د ګوند ملی کانګرس  په هرو پنځو کالو کی  يو ځل  جوړيږی  . دملی کانګرس  دتعطيل  په  موده کی مرکزی کميټه د چين دکمونست ګوند عالی  لارښوونکی ارګان  ګڼل کيږی .

اوس دچين کمونست ګوند نژدی ٧٠ مليونه  تنه غړی لری  او د ګوند اوسنی عمومی منشی  شي جين پينګ  دی .