د دبې  شيايو
中国国际广播电台

      

د دبې  ((شيايو))  د چين  د ملی اقليتونو بادی  موسيقی اله ده  او  د هغو موسيقی الاتو په  ډله کی  شامله  ده  چه د چين  په جنوب  لويديځی  سيمه کی  د  دای  ،  اڅانګ   او  عوا  په  شمول  دملی  اقليتونو خلک  ورسره  ډيره  مينه  لری او  زيات  يی استعمالوی .             

     د  دبی  شيايو  د ميلاد  د مخه  په  ٢٢١ کال کی   پيدا  شوی   او   نن  ورځ  که څه هم   د هغی  په  جوړونه کی  نوی والی  رامنځ ته  شوی ، خو   په   جوړښت  کی يی لا هم  د لرغونی  زمانی  د همدغسی  موسيقی الی  خصوصيات  ساتل شوی دی    .

      د  دبی شيايو  په  نامه  د موسيقی الی  شکل  او جوړښت   خپل ځانګړيتوب  لری  او د يوی  دبی ،  درو  بانسی تولکو او درو  فلزی  ورقو  څخه  جوړيږی   چه   په منځ کی  اصلی  بانسی  تولکه  غټه  او اوږده  ده  او  ورباندی  اووه  سوری  ليدل کيږی  ،  د  اصلی  تولکی  تر څنګ   نورې دوې  تولکې  لنډی  دي  .

    

  

د قومونو او سيمو  د  توپير  له امله  د چين  په  جنوب  لويديځ کی د وين  نان  په  ولايت کی د نورو  ملی اقليتونو  لخوا  استعمال  شوی  نوموړی  موسيقی الی  د شکلونو ،  جوړونو  او  غږونو  په  برخو کی  هم  بيلا  بيلی  دی  . مګر  يو ګډ  خصوصيت   دا  دی  چه  ټول  د هغی  په وسيله   غرنی  سندری  او ترانی  غږوی  . 

        نن  ورځ   نه يوازی  د چين   په  هنری  صحنه کی  د اصلاح  شوی  الی   په وسيله  غږول  شوی  موزيک  اوريدل  کيږی  ،  بلکی  د نړی  بيلابيلو سيمو  ته  د چينی  هنر مندانو د سفرونو په  ترڅ  کی  د هغی  په وسيله  غږول  شوی   چينی  موزيک   بهرنيو اوريدونکو ته هم  وړاندی  کيږی  .   

       اوس  به   د  دبی  شيايو  په  وسيله  غږوله  شوی   خوږه  نغمه  واورئ    چه  نوم  يی  دی  _   د  سپوږمی  په  وړانګو کی  بانسونه  .