سونګ  ځو اينګ    په  اوسنی  چين کی   تر ټولو  ممتازو  او برياليو ځوانو سندرغاړو  څخه  يوه  ده   .

   د ١٩٦٦کال  د جون  په ٢٧ نيټه  سونګ  ځو اينګ  د چين د هونان ولايت د  ګو جانګ  ولسوالی  د  مياو قوم  په  وړوکی غرنی  کلی کی  زيږيدلی   او د ١٩٨١ کال  د اګيست  په  مياشت کی  د نهم  ټولګۍ  د زده کړی  د  ترسره  کيدو  نه وروسته  د امتحان  له  لاری   د  نوموړی  ولسوالی  د هنری  هيات  لخوا   ومنله شوه   . وروسته   د  تو جيا  او ياو  د  قومونو د  سندرو او نڅاؤ  د ډلی  يوه غړی  وګرځيده او هلته  يی  له يوه  کال  نه  د کم  وخت  نه  وروسته   بيا  د امتحان  له  لاری  د  مرکزی  قومی  پوهنځی  د  موسيقی  او  نڅا  په څانګه کی   په  زده کړی  پيل وکړ   او  په  ١٩٨٧کال کی  يی  خپله تحصيلی  دنده  پای ته  ورسوله  او ورځنی  فارغه  شوه  .  د  ١٩٨٨کال کی  د اکتوبر په مياشت کی  د هونان ولايت  په  مرکز  څانګ شا  کی  د هيواد  د أوازخوانانو  په ګډون  هغه ملی  سيالی  کی  چه  د چين د موسيقی پوهانو  لخوا  جوړه  شوه  ،  سونګ  ځو اينګ   طلايی  جايزه  وګټله   او په دی  ډول  هغه  د  مشهور موسيقی پوه  پروفيسر  جين  تيان  لين  شاګرده   وګرځيده  ، ورپسی  يی  د پسرلنی اختر  د  نمانځنی   په  هغه  ماښامنی  هنری کنسرت کی  چه   د چين د مرکزی  تيلويزيونی سټيشن  لخوا  ترتيب  شوی و ،  سونګ  ځو اينګ   يو ځل بيا د خپل  ځانګړی  هنری سبک او مهارت    له امله  د  نندارچيانو لخوا و پيژندل شوه  او  د هيواد  په  چوکاټ کی  يی  شهرت   موندلی  دی  .   په ١٩٩١ کال کی  هغه  د چين د ولسی  ازادی  بخښوونکی اردو   د  سمندری  قواؤ  د سياسی اداری  په اړه د سندرو او نڅاو  په  ډله کی  وګمارله  شوه   ، اوس   د دولت  په  لومړنی  درجه   لوبغاړی  ده   او  د حکومت لخوا  ورباندی   فوق العاده  معاش  ويشل کيږی   . 

       د   سندرغاړې  سونګ  ځو اينګ  په  خوږ أواز  کی د  ويلی  شويو   ډيرو په  زړه  پوری  سندرو  نومونه   دا دی  _  ښه  ژوند ،. له  چين سره  مينی  ،  د وطن  له هرګوټ  نه  راغلی عسکر او داسی نور ، د چين  د ولسونو   او د هيواد په  بهر کی  د  چينايی  اوسيدونکو  په  منځ  کی   خپری  شوی   او  د  هر چا  په  شونډو  زمزمه  کيږی  .

  په  ٢٠٠٠ کال کی   د  چين د  اديبانو اوأرټيسيټانو اتحاديی  ورباندی  د هغه أرټيسيټ  وياړی  لقب  ورکړ  چه  په اخلاقی او هنری  په  دواړو برخو کی  غوره والی  لری  .  دغه  راز  سونګ  ځو اينګ   په  ٢٠٠٢ کال کی  د  سيدنی   د اوپرا  په  تياتر ،  او په  ٢٠٠٣ کال  کی  د ويانا د  کنسرټ  په  طلايی  سالون کی   په  خپلو ځانګړی  هنری  کنسرتونو کی  پوره   ستر  بری  وموند  .

اوس  به  د سونګ  په  خوږ أواز  ويله  شوی  يوه  سندره   واورئ  چه  نوم   يی  دی  _  ښه  ژوند  .