ليو مينګ  يوان  د وروستي نيمی  پيړۍ  راهيسی د چين د ملی  موسيقی الاتو له  ډيرو  ممتازو غږونکو  څخه  شميرل  کيږی  او د چين  او نړۍ  د موسيقی  په 

ساحه کی  ډير شهرت  لری   .  هغه د (( بان هو)) ، (( ګاو هو )) ، ((ارهو )) ، ((جونګ هو )) ، ((جينګ هو )) او (( جوی هو )) په  شمول    د تاريزو الو په  غږولو  کی  ډير  تکړه  دی  او  په تيره  بيا  د  ((  بان  هو ))  او  (( جونګ  هو ))   په  تاريزو الو کی  لوی  لاس  لری .

     ليو مينګ  يوان  په ١٩٣١ کال کی  د چين  په  شمال کی  د  تيان  جين  په  ښار کی  وزيږيده    او  د  ٦  کلنی  په وخت کی  يی  له خپل  پلار   څخه  د  تاريزوألاتو  د  غږولو  په  زده کړی  پيل وکړ . د ١١ کالو په وخت کی  هغه  د تيان جين   د موسيقی  په  څو ټولنو کی  شامل  شو او د  چين د  يانځی  سيند  په  جنوب  د ((  سی  جو  ))  په نامه  د  موزيک  ،  د ګوانګ دونګ   د سيمه ايز موزيک  ، د بيجينګ  د اوپرا  او  داسی  نورو  موزيک  څخه  يی  زده کړه  وکړه  . په  ١٩٥٧ کال  کی  د چين  د ځوان هنرمند په  حيث  د  نړيوالو ځوانانو  د خوشحالۍ  په  شپزم  فيستيوال  کی  د فلکلوری  موسيقی الاتو  د  غږولو  په مسابقه کی  برخه  واخيسته   او طلايی  ميدال  يی  لاس ته  راوړ .    

      ښاغلی  ليو مينګ  يوان  د  (( هو چين  ))   نه  پرته  ،  د پيانو  په  وهلو  او غږولو په  برخه کی لوی  لاس لری  او د مغولی قوم   د موزيک  په  ساحه کی   هم تکړه  دی  .  دهغه  موسيقی  اثار ځانګړی  ملی  سبک  او قوی  هنری  جذبه  لری  .  مثلأ  د   ((خوشحالی ))  ،  ((نيکمرغه کال  )) ،  (( د خه  نان   نغمه  ))  ، (( په دښته کی ))  او ((  مالداران  ))   په  ګډون  زياتی  خوږی  او په  زړه  پوری  نغمی  د  هر  چا   په  شويډو  زمزمه  کيږی  .     

  ليو  مينګ  يوان  د چين  د تاريزوالاتو  د اصلاح   او تدريس  په  برخو کی  ډيری  زياتی  هلی ځلی  وکړی   او  لوی  برياليتوبونه  يی لاس ته  راوړی دی .  په  ١٩٨٢ کال  کی  يی  د چين د موسيقی  د  پوهنځی  د موسيقی  الاتو د څانګی  د پروفيسر  په توګه  دنده  په  غاړه  اخيستی  او  بی  شميره  بااستعداده  هنری  افراد  يی  روزلی  دی   .    ښاغلی  ليو  مينګ  يوان   د ١٩٩٦ کال  د فبروری  په  مياشت کی  له  دنيا څخه  لاړ  .

     اوس  به  د هغه  لخوا  غږوله  شوی   نغمه   واورئ   .