سونګ  فی   د چين   د ((  ار هو ))   مشهوره  غږونکی  ده   او د (( لرغونی چين  ))، (( هو چين  ))  او (( پی  پا))  په  شمول  د ١٣ ډولو  تاريزو  الاتو  په غږونوکی  ډيره تکړه ده   او ورباندی   (( د ملی موزيک  د  ملکې ))  لقب   ايښودل شوی دی  .

       سونګ  فی  د اوو کالو په وخت کی  د خپل  پلان  - د  ((  ار هو ))  د غږونکی  پروفيسر  سونګ  ګو  شينګ   تر  تاثيراتو  لاندی  د موزيک  سره علاقه  او مينه  پيدا  کړه  .  په  ١٩٨٧ کال کی   د ازموينی  له  لاری  په  بيجينګ  کی  د چين د موسيقی  د  پوهنځی  لخوا ومنله  شوه  او هلته  يی  د (( ارهو  ))   او (( لرغونی  چين  ))  د  غږولو په  زده کړی  بوخته  وه .  په ١٩٩١ کال کی  له  نوموړی  پوهنځی  څخه د فارغيدو نه وروسته    د  ملی  موزيک  په مرکزی  ارکسترا  کی   د ارهو   غږونکی  شو او    د  لوړو تحصيلاتو لپاره يی  په  ١٩٩٨ کال کی د چين  د کلتور  د وزارت  تر اداری  لاندی   د څيړونکو محصلينو  د  روزلو  په  کورس کی  د  ((  ار هو ))  او ((  لرغونی  چين  ))  د  غږونی  زده کړی  ته  دوام ورکړ   او  په  ٢٠٠٠کال کی يی خپله زده کړه  پای ته  ورسوله  .

      په  ليسه کی  د زده کړی  څخه  سونګ  فی   په  مختلفو  اړوندو  ملی  مسابقو کی   ګډون  کړی   او  مهمی جايزی  يی  ترلاسه کړی  .  دغه  راز  يي  څو څو  ځله   په  نړيوالو مسابقو کی  هم جايزی  وګټلی  .  د  څو  کلونو راهيسی  هغی   د نړی  بيلا بيلو هيوادونو او سيمو ته   سفرونه  کړی  او  کوی  يی  ،  په تيره  بيا   د  چين  د موسيقی  پوهانو په  استازيتوب  د امريکی  د  کارنيجی  په  سالون  ،  د  اطريش   د ويانا  په  لوی  طلايی  سالون   او داسی نورو  مشهورو  ځايونو کی   چينی  موزيک  اوريدونکو ته  وړاندی  کړی دی  .  

       په  ١٩٩٩کال کی   سونګ  فی  د  خپل  کار  هدف او  پام    د  شاګردانو روزلو ته  اړولی  دی   .  په  ٢٠٠٢ کال کی   نوموړی  په  بيجينګ  کی  شخصی  هنری  کنسرت   جوړ کړ   او  په  هغه  کی  يی  د  ارهو ،  ګاو هو ،  لرغونی  چين  او پی پا  په شمول  د  ١٣  ډولو  موسيقی الاتو  په  وسيله  بيلا بيلی   په زړه  پوری  نغمی  غږړلی   او د  موسيقی  په  محافلو کی يی فوق العاده  عکس  العملونه  راښودلی  او   خپل  شخصی  هنری کنسرت  يی  په  ډير  بريالی  ډول   پای ته  رسولی  و .     

اوس  به  د  هغی  لخوا  غږوله  شوی  يوه  په زړه  پوری   چينی نغمه  واورئ  .