د ١٩٩٢ کال نه راهيسي ددې دپاره چې بهرنيو سياحانو ته د چين د توريستي منابعوپه باب معلومات ورکړي شي د چين ددولتي توريستي رياست لخوا په پر له پسي توګه د بيلابيلو محلي دودونو او رواجونو په لرلو سره په اصلي موضوعات لرونکي سفرونو ﻻس پوري شوي او ورسره مربوط توريستي فعاليتونه ترسره شوي  ، عمده توريستي ﻻرې  ټاکل شوې او يو لړ مساعد تدبيرونه غوره شوي دي ٠،

     د چين ملت ٥٠٠٠ کاله تاريخ لري ، چينايان زيارکښ او زړه ورخلک دي چېځانګړي  خالص اود مهرباني نه ډک عنعنات  او ښه اخلاق لري ٠او د خپل ژوندانه  ځانګړي  طرزالعمل، د ډوډۍ د خوړلو عادتونه او ولسي رسم رواج لري  ٠ د چينايانو رنګارنګ او په زړه پوري  ژوند د چين د کلتور يوه مهمه برخه تشکيلوي  په عين وخت کې د کلتوري سفر دپاره يوه عمده منبع شميرل کيږي ٠

     د چين د خلکو ژوند ختيځ خصوصيت لري ، د خلکو د استوګنځيو ، خوراکونو ، کاليو ، ساعتيريو ، د جشنونو او نورو ساحو څخه  د چين د ملت ښه  معنوي اخلاق او  احساسات  څرګنديږي ٠ د اصلي موضوع لرونکي سفرونو د رامنځته کيدو مقصددا دی چې بهرني سياحال د خپل سفر له ﻻرې د چين د ټولنې ، د خلکو د ژوند او د چينايانو د غوره کلتور سره بلديت  پيداکړي ٠