سره له دي چه   د چين  د صنعت د عصري کيدو د بهير  چټکتيا  يوازي  د نيمې پيړۍ تاريخ لري ،  خو  د چين د نفوس د زياتوالي ، د پرمختيا  د سرعت د  چټکوالي   او د ځينو پاليسيو د نا بشپړتيا له امله  دچاپيريال  او منابعو په  باب  مسئلې  د توجه وړ مسئلې ګرزيدلي دي ٠ په  دي هکله  د اوبو او د کرلو وړ مځکې د ورکيدو ، د صحرا کيدو د مځکو د پرله پسي  پراخوالي  ، دځنګلونو د مساحت  دچټک کموالي ، په  وښو د پوښل شويو مځکو د سخت خرابوالي ، د موجوداتو ډولونه  د ژر له منځه وړلو  او د اوبو او هوا د ککړتيا  په باب موضوعات ډير سخت او  وخيم  ښکاري ٠

د تيرې پيړۍ د اومې لسيزې  په لومړنيو وختونو کې  د ملګرو ملتو په اړه د انساني  چاپيريال  د غونډې  تر تشويق او لارښوونې لاندې  د چين  د چاپيريال  د ساتنې  کارونه  پيل  شول  ٠  د څه د پاسه  شلو کالو کوششونو له لارې  اوس  په  چين کې  د ککړتيا د مخنيوي  او د طبيعي منابعو د ساتنې  په هکله  د قوانينو او پالسيو نسبتي مکمل  سيستم  تاسيس  شوي دي او همداشان  د چاپيريال  د ساتنې  له پاره  پانګه اچونه  هم  په تدريجي توګه زياته شوي ده ٠  مګر  د پرمختللو هيوادونو په مقايسه   په دي هکله  د چين د پاليسيو سيستم  لا  بشپړ او مکمل   نه دي ٠  د پاليسيو د محتوياتو له  لحاظه   ډيرې پاليسي او اړوند تدبيرونه  د مختلفو درجو د حکومتونو د عنعنوي  پلان او  د ادارې  د دستور پر اساس   ولاړ دي  چه  په دي اثر  د چاپيريال  ښه والي تر  مستقيم کنترول او محدوديت لاندي  راغلي  دي ٠ اوس  د چين حکومت  دچاپيريال د ساتنې  د  لا   پياوړتيا په باب  ستراتيجيکي تصميم  نيولي  څو چه  په چين کې د  اقتصادي  او ټولنيزې   چټکې  او سالمې پرمختيا د ترسره کولو  په عين وخت کې  د انسانانو او طبيعيت  ترمنځ همانګ  او يووالي  وساتل شي ٠