رحيم شاه
د پښتو مشهور سندر غاړی رحيم شاه په ١٩٧٦ ميلادي کال کې د پاکستان په کراچۍ ښار کې زيږيدلی دی،دده په وينا نيکونه يې اصلا له افغانستان څخه پاکستان ته تللي دي، يعنې په اصل کې افغان دی ،نوموړي خپلې زده کړې د کراچۍ په ښار کې پاي ته رسولې دی٠ په ١٩٨٨ کې يې سندرو ويلو ته مخه کړه، او تر دې مهاله يې ګڼ شمېر سندرې ويلي دي٠
رحيم شاه د پښتو سندرو تر څنګ په فارسي او اردو ژبو هم سندرې ويلي دي چې د کسټونو او سي ډي ګانو شمېر يې لسګونو ته رسېږي٠ نوموړي په لومړيو وختونو کې يوه سندره ويلی دی چې دی يې د شهرت لوړ مقام ته ورساوه،ددغی سندری نوم دی: (اول به کله کله غم وو اوس مې دفتر شو کروندې پکې کومه )
رحيم شاه د موسيقۍ د پخوانيو وسايلو د کارولو تر څنګ د برقي يا الکترونيکي وسايلو کارونه هم پيل کړې،دده سندرې اوس پر پښتو تلويزيوني شبکو سربيره په پنجابي ،اردو او سندهي شبکو کی هم خپريږي او ډېر زيات مينه وال لري٠
