بايد د اولمپيک لوبو په موده کې د امنيت ساتنې ، خبری رسنيو ته د ښو خدمتونو او د فعالونکيودرملو پرضد د مبارزې لپاره کوشش وشی

د سينهوا اژانس د خبر له مخی د چين د دولت رئيس مرستيال شی جين پينګ د جولاۍ په ٢١ نېټه په ټينګار سره وويل چې بايد د اولمپيک لوبو په موده کې د امنيت ساتنې ، خبری رسنيو ته د ښو خدمتونو او فعالونکيو درملو پرضد د مبارزې لپاره کوشش وشی .

نوموړي په همدی ورځ د بېجينګ اولمپيک لوبو د قوماندانی مرکز د يانګ شان چياو له څانګې، د خبريالانو کلی، د نړيوالې راډيو له مرکز اود اولمپيک لوبو له عمده مطبوعاتی مرکز څخه ليدنه وکړه.هغه د دغې ليدنې په ترڅ کې په ټينګار سره وويل ډاډمن اولمپيک د ځانګړی او لوړې سويه لرونکيو اولمپيک لوبو د تر سره کولو لپاره ښه بنسټ دی.