بېجينګ د اولمپيک د شنو لوبو په اړه ژمنه پلی کړې ده.

د چين د نړيوالې راډيو د خبر له مخې د چين د پلازمينې شنو د کميټې د دفتر مرستيالې او د دغې کميټې وياندې وانګ سو مې د جولاۍ په پنځه ويشتمه نېټه په بېجينګ کې وويل په بېجينګ کې د شنو شويو سيمو انډول د ٢٠٠٠ کال له شپږ ديرش سلنې څخه اوسنی دری څلويښت سلنې ته لوړ شوی چې له مخې يې بېجينګ د اولمپيک د شنو لوبو په اړه خپله ژمنه پلی کړې ده.

مېرمن وانګ په نړيوال مطبوعاتی دفتر کې د اولمپيک لوبو د شنو لوبو په اړه يوه خبري ناسته کې وويل بېجينګ د اولمپيک د شنو لوبو د جوړولو په بهير کې تل د خلکو ګټو ته پاملرنه کوي او په پر له پسی توګه يې پخوانی چاپېريال بشپړ کړی او نوی شين چاپېريال يې جوړ کړی دی.