د اولمپيک لوبو له پيل نه مخکې د بېجينګ د هوا کيفيت په ښکاره توګه ښه شوی .

د چين د نړيوالې راډيو د خبر له مخې د بېجينګ د اولمپيک لوبو د هوا کيفيت د تامنيولو د تخنيکی ډلې مشر او د بېجينګ پوهنتون پروفيسر جو تونګ د جولای په ديرشمه نېټه په بېجينګ کې په يوه خبري ناسته کې وويل د جولای په لومړی نيټه په بېجينګ کې د طاق او جفتو شميرو سره سم د موټرونو د محدودې ګرځيدنې تګلارې له پلی کېدو راهيسي، د بېجينګ د هوا کيفيت په ښکاره توګه ښه شوی دی.

ښاغلي جو تونګ زياته کړه چې د بېجينګ د اولمپيک لوبو په اړه د چاپېريال ساتنې زياتره تدبيرونه به په دايمی توګه پلی شي، نو د اولمپيک لوبو له پای ته رسيدو وروسته به د بېجينګ د هوا کيفيت په ښه حالت کې وساتل شي.