د اولمپيک لوبو د تياری لپاره د چين توان د ستاينی وړ دی
ګرانو اورېدونکو، السلام عليکم! د پروګرام دغې کړۍ ته مو زه ليلا هرکلی کوم.کله چې برازيل يادېږي، نو هر چا ته د فوټبال لوبې ورپه يادېږي . خو فوټبال د برازيل يوازنۍ نښه نه ده، د دغه هېواد پلاوی په٢٠٠٤ کال کې د أتن په اولمپيک لوبو کې پنځه طلايی مډالونه ، دوه د سپينو زرو او دری د برونزو مډالونه تر لاسه کړل. دوی هيله لري چې په بېجينګ اولمپيک لوبو کې به لازيات مډالونه تر لاسه کړي. د پروګرام په نننۍ کړۍ کې به تاسو ته له خبريال سره د برازيل د لوی سفير لويز اوګوستو ديکاسترو نيويس يوه مرکه وړاندی کړو.
له ٢٠٠٤ کال راهيسی په چين کې د برازيل د لوی سفير په توګه ښاغلی لويز اوګوستو ديکاسترو نيويس په بېجينګ کې ٤ کاله ژوند کړی. دده په اند دغه ښار چې د برازيل پلازمېنې له برازيليا څخه ډېر ليری دی، لرغونې تاريخ لري او په کې ورځ په ورځ ستر بدلون رامنځته کېږي. لوی سفير لويز اوګوستو ديکاسترو نيويس وويل ( اواز ١)
زما لپاره د بېجينګ ښار بدلون ستر دی چې اوس مهال د ٢٠٠٤ کال په پر تله بېجينګ ښار پوره بدل شوی دی . هر ځل چې له برازيل څخه د رخصتی له تېرولو وروسته بېرته بېجينګ ته راستنېږم ، د بېجينګ ستر بدلون وينم. دغه ښار ورځ په ورځ ښکلی کېږي او په کې ژوند ډېر هوسا دی.
د لوی سفير لويز اوګوستو ديکاسترو نيويس په اند د اولمپيک لوبو جوړول د هر هېواد لپاره يوه ستره ننګونه ده، ځکه چې کوربه هېواد بايد په لنډه موده کې د ټولو
بنسټيزو تاسيساتو تيارۍ کارونه بشپړ کړي، په تېره بيا د اولمپيک لوبو د سپورتي ستډيومونو او جمنازيومونو أبادۍ . چين د يو پرمختيايی هېواد په توګه د اولمپيک لوبو د تياری په بهير کې وتلی توان ښودلی دی.
هغه زياته کړه د نړۍ د بېلا بېلو هېوادونو مېلمنو د هرکلی لپاره د چين په زيات شمېر ښارونو کې د بهرنيو ژبو د زده کړې په اړه کورسونه پرانيستل شوی . هغه باور لري چې د اولمپيک لوبو له پيل وروسته به زيات شمېر چينايان د معياری لارښوونکی وګرځي .
اوس د برازيل ريوديانيريو په فعاله توګه د ٢٠١٦ کال د اولمپيک لوبو د کوربنی حق د غوښتنې لپاره کوښښ کوي. د لوی سفير لويز اوګوستو ديکاسترو نيويس په اند
د بېجينګ اولمپيک لوبو د تياری کارونه د ريوديانيريو لپاره يوه ډېره ښه بېلګه ده.
ده وويل په چين کې د لوی سفير ماموريت له پيل وروسته د چين د ورخلاصون بهير چټک شوی او د نړۍ د بېلا بېلو هېوادونو د وګړيو لخوا د چين پېژندنې هم ژورې شوی دی. هغه هيله لري چې د بېجينګ اولمپيک لوبو له لاری لازيات وګړي د چين د واقعی حالاتو په اړه معلومات تر لاسه کړي.
د بېجينګ اولمپيک لوبې رانژدی کېږي ، اوس مهال نه يوازی چين ، بلکې برازيل د اولمپيک لوبو له تودی فضا څخه ډک شوی دی. لوی سفير لويز اوګوستو
ديکاسترو نيويس وويل د برازيل خبري رسنۍ په بېلا بېلو برخو کې د چين او د بېجينګ اولمپيک لوبو په اړه خبر ورکوی. د برازيل لوبغاړيو د بېجينګ اولمپيک لوبو په ترڅ کې د لازياتو مډالونو د تر لاسه کولو لپاره هم تياريانی نيولی دی.
لوی سفير لويز اوګوستو ديکاسترو نيويس وويل د تېرې مودې په پرتله اوسنۍ
اولمپيک لوبې يو لوی ډګر دی . د بېجينګ اولمپيک لوبې به دده لپاره لومړۍ اولمپيک لوبې وي چې پخپله په کې ګډون کوي. ده وويل د دغو لوبو د پرانيستونکو مراسمو له امله به پر نړيوالو وګړيو ژوره اغيزه وشي.
د مرکی په پای کې لوی سفير لويز اوګوستو ديکاسترو نيويس په چيني ژبه د بېجينګ اولمپيک لوبو لپاره دده نيکه هيله څرګنده کړه (اواز ٢ )
زه هيله لرم چې چين د بېجينګ اولمپيک لوبو له لاری نړۍ ته ورخلاص او نړۍ هم چين ته ورخلاص کړي.
ګرانو اورېدونکو، د اولمپيک لوبو په اړه په چين کې د بېلا بېلو هېوادونو سفيرانو مرکې نننۍ کړۍ په همدې ځای پای ته رسېږي. هيله ده چې زموږ پروګرام خوښ شوی وی. روغ او خوشحاله اوسئ!
