د يو شمير هېوادونو خبري رسنيو د بېجينګ اولمپيک لوبو زياته ستاينه وکړه.

د چين د نړيوالې راډيو د خبر له مخې د بېجينګ د اولمپيک لوبو له پيل راهيسي، د بېلا بېلو هېوادونو خبري رسنيو په تېرو څو ورځو کې د بېجينګ د اولمپيک لوبو په اړه زيات راپورونه خپاره کړي او د دغو لوبو زياته ستاينه يې کړې ده

د امريکا خبري رسنيو نه يوازی د اولمپيک لوبو د پراخو پرانيستونکو مراسمو، بلکې د بېجينګ د اولمپيک په لوبو کې د اولمپيک د روحيې زياته ستاينه وکړه. د نننی امريکا ورځپاڼې د اګيست په نهمه نېټه څرګنده کړه د بېجينګ د اولمپيک لوبو په پرانيستونکو مراسمو کې د چين تاريخي کلتور او عصری تمدن په ډېره ښه توګه سره يو ځای شوی دي.