د بېجينګ د اولمپيک لوبو په څلورمه ورځ کې د سرو زرو شپږ مډالونه رامنځته شوي دي.

د چين د نړيوالې راډيو د خبر له مخې د اګيست دوولسمه نېټه د بېجينګ د اولمپيک لوبو څلورمه ورځ ده چې په دې ورځ کې به د سرو زرو نولس مډالونه رامنځته شي. تر غرمی پورې د سرو زرو شپږ مډالونه رامنځته شوي دي.

د چين د نارينه وو د جمناستيک لوبډلې د همدې ورځې په سهار په ډله ايزو سياليو کې د سرو زرو مډال تر لاسه کړ.

د امريکا لوبغاړی فيلپس ميچايل د دوه سوه مترو په واټن د نارينه وو د ازادو لامبو وهلو په سياليو کې د سرو زرو يو مډال تر لاسه کړ. دا په دغو لوبو کې د ده درېيم طلائی مډال دی.