د ون چوان ولسوالۍ له زلزلې وروسته د بيا جوړولو لپاره زر مليارډو يوانو ته اړتيا لري.

د سن هوا اژانس د خبر له مخې د چين د ون چوان ولسوالۍ د زلزلې وروسته د بيارغونی د تګلارې د جوړونې ډلې د اګيست په دوولسمه نېټه د عامو خلکو د وړاندوينو د غوښتنې يو سند خپور کړ چې د ون چوان ولسوالۍ له زلزلې وروسته د بياجوړولو لپاره زر مليارډو يوانو ته اړتيا لري.

د دغه سند ساحه د سه چوان، ګان سو او شان شي د سختو زلزله ځپلو سيمو له يو پنځوسو ولسواليو څخه عبارت ده. د ٢٠٠٧ کال تر پايه پورې د دغو سيمو نفوس نولس مليون او اته سوه او اوه شپيته زره تنه و.