د اولمپيک لوبو په ترڅ کې د بېجينګ ترانسپورتي حالت ډېر ښه او منظم دی.

د چين د نړيوالې راډيو د خبر له مخې، د بېجينګ د ترانسپورتي کمېټې مطبوعاتي وياند ښاغلي جو جنګ يو د اګست په ديارلسمه نېټه څرګنده کړه چې د اولمپيک لوبو له پيل راهيسي د بېجينګ ترانسپورتي حالت ډېر ښه او منظم دی.

نوموړي وويل چې په تېر جولای کې په بېجينګ کې د موټرونو د محدودولو چارو له پلی کېدو وروسته د هغو وګړيو شمېر په سلو کې له پنځه دېرشو څخه پنځه څلويښتو ته زيات شوی چې د عمومي بسونو په وسيله تګ راتګ کوي.