د بېجينګ د اولمپيک لوبو په اوومه ورځ کې د سرو زرو پنځلس مډالونه ورکړل شوي دي.

د چين د نړيوالې راډيو د خبر له مخې د اګيست پنځلسمه نېټه د بېجينګ د اولمپيک لوبو اوومه ورځ ده او د همدې ورځې د ماښام تر نهو بجو پورې د سرو زرو پنځلس مډالونه ورکړل شوي. د لامبو وهلو په سياليو کې دری نوی نړيوال ريکارډونه جوړ شول.

د چين لوبغاړې څاو لې د پنځه اويا کيلوګرامو په وزن د وزن پورته کولو په ښځينه سيالۍ کې د سرو زرو مډال تر لاسه کړ او نوی نړيوال ريکارډ يې جوړ کړ.

د چين لوبغاړو تونګ ون او لو يونګ په جلا جلا توګه د اته اويا کيلوګرامو په وزن د جودو په ښځينه سيالی کې او د پنځه اتيا کيلوګرامو په وزن د وزن پورته کولو د نارينه وو په سيالی کې د سرو زرو مډالونه تر لاسه کړل.

دغه راز په روانه شپه کې به د سرو زرو نور درې مډالونه ورکړل شي.