د بېجينګ اولمپيک سپورتی لوبو په موده کې مسلمانانو ته د لارښوونې ويب پاڼه
په وروستيو روځو کی په چين کې د بېلا بېلو هېوادونو مسلمانانو په وړاندی په څو ژبو خدمتی ويب پاڼه پرانيستل شوه چې نوم يی د بېجينګ اولمپيک سپورتی لوبو په موده کې مسلمانانو ته د لارښوونې ويبپاڼه ده.دغه ويب پاڼه د چين د نړيوالې راډيو د نړيوالې ژوندې شبکې له خوا جوړه شوې چې د اندونيزيايی ، عربی ، فارسی او پښتو ژبو په شمول ٧ ژبی پکی کارول کيږي او د عکسونو، ليکونو او نقشې له لاری مسلمانانو ته د بېجينګ اولمپيک لوبغاليو، جوماتونو، اسلامی رستورانتونو ، د لمانځه ادا کولو وختونو او شيانو اخيستلو د لارښوونې په اړه معلومات وړاندی کيږي.دغه راز په دغه ويب پاڼه کې ژوندي خدمتونه هم تر سره کيږي.
هغو بهرنيو دوستانو ته د اسانتياوې برابرولو په موخه چې د اولمپيک لوبود نندارو د کتلو لپاره بېجينګ ته راغلی دی، او دوی ته د بېجينګ کلتور وړاندی کولو لپاره ژبه يوه ډېره مهمه وسيله ده.که د بېجينګ د لارو په اوږدو کې د لارښوونې په اړه په چينی او انګليسی ژبو د ليکل شويو نښو له لاری د هغو هېوادونو د وګړيو اړتياوې نشي پوره کيدای چې انګليسی ژبه نه پکې ويل نه کيږي، نو د پرمختللۍ شبکې په کارولو سره به د زياترو نړيوالو دوستانو د ملتونود خوړو بنسټيز عادتونو او مذهبی ژوند په شمول اړتياوې پوره شی.خو دغه ويبپاڼه يو لنډمهالی عمل نه دی بلکی يو دايمی کار به وي.بېجينګ هم د اولمپيک لوبو له لاری په ريښتينی توګه د نړيوال کيدو په لور روان دی. بهرنی مسلمانان نه يوازی د اولمپيک لوبو په موده کې له
دغې ويبپاڼې څخه ګټه اخلي بلکی په راتلونکی کې به له دغې ويبپاڼې څخه هم ګټه واخلي.تر اوسه پوری ډېرو زياتو مسلمانانو د دغې ويبپاڼې له لاری د بېجينګ د اولمپيک لوبغاليو په اړه معلومات تر لاسه کړي چې ډېرې اسانتياوې يې ور ته برابرې کړې دي .يو عربی سيلاني د چين د بازارونو پته تر لاسه کړې او د ميرمنۍ او ماشومانو لپاره يې زيات چينی ځانګړی ټوکران او لوبتکې اخيستي دي.هغه وويل چې دغه ويبپاڼه د هغو مسلمانانو لپاره چې په بېجينګ کې ژوند کوي يا له دغه ښار څخه ليدنه کوي،زياتې اسانتياوې برابروي.ده هيله څرګنده کړه چې دغه ويب پاڼه ګام په ګام بشپړ شی.
