ښاغلی منير : د شانګهاي په نړيوال نندارتون کې د افغانستان ګډون د افغانستان او چين ترمنځ د سوداګريزو اړيکيو د نژديوالي لپاره غوره فرصت دی

په افغان سفارت کې زمونږ خبرياله له ښاغلی منير سره د مرکې په حال کې دي

ګرانو اوريدونکو د ٢٠١٠ کال د شانګهاي نړيوال نندارتون چې اصلي موضوع يې ښه ښار او ښه ژوند دی ،د راتلونکی کال د مې له لومړې نېټې څخه پيل او د اکتوبر تر ٣١ نېټې پورې به دوام ولري. افغانستان د ٢٠٠٧ کال د دسمبر په ١٧ نېټه په دغه نندارتون کې د ګډون تړون لاسليک کړی و او تر اوسه پورې د امريکا او اروپايي ټولنې په ګډون په دغه نندارتون کې د برخوالو هېوادونو او سازمانونو شمېر ٢١٣ ته رسيدلی دی .په دې کې شک نشته چې دا ننداتون به د نړۍ په تاريخ کې لومړی لوی نندارتون وي. د دغه لوی نندارتون او پکې د افغانستان د ګډون په هکله زمونږ خبريالې په چين کې د فغانستان له تجارتي اتشه عبداسلام منير سره مرکه کړې ، اوس به تاسو د دغې مرکې لنډيز واورئ.