ښوونځی ته د لي چينګ مينګ لار

 لي چينګ مينګ چې عمر يې شپاړس کلن دی، د چين د ګان سو ولايت د بای ينګ ښار د منځنی ښوونځی د لومړنې دورې يوه زده کوونکې ده. د ده کور په غرنی سيمه کې دی او کورنۍ يې نسل په نسل په کرنې بوخته ده. پخوا نژدی و چې لي چينګ مينګ د کورنۍ د بي وزليتوب له امله د زده کړې فرصت له لاسه ورکړ. خو د چين حکومت هغه تګلارې د زده کړې په برخه کې له لي چينګ مينګ سره مرسته کړې ده چې دری کاله مخکې پلی شوې ده. نو په نننۍ کړۍ به تاسو ته د لي چينګ مينګ په اړه لنډ مالومات وړاندی کړم.

لي چينګ مينګ د يادې شوي تګلارې د يادونې په وخت کې وويل 

د زده کړې په اړه زموږ ټول لګښتونه وړيا دي. د دې ترڅنګ ښوونځی هره مياشت اويا يوانه مرستندويه پيسې راکوي. دا په کليوالو سيمو کې زما په شان د خوارو زده کوونکو لپاره ډېر اهميت لري.

له دغې تګلارې څخه چې څو کاله مخکې ګام په ګام د چين په کليوالو سيمو کې پلی شوی دی، څرګندېږي چې د چين په کليوالو سيمو کې د اجباری ښوونې په موده کې ښوونه وړيا ده او دا د چين د ښوونيزو چارو د پرمختګ په شلو کلونو کې يو لوی کيفی بدلون دی.

شپېته کاله مخکې د نوي چين د جوړيدلو په پيل کې د چين اتيا سلنې وګړي بی سواده وو. په لومړيو ښوونځيو کې د ماشومانو د شامليدو انډول شل سلنه او په منځنيو ښوونځيو کې دغه انډول يوازی شپږ سلنه و. نو د اساسي ښوونې تعميم د بېلا بېلی دوری حکومتونو په کارونو کې د مهم ټکي په توګه ګڼل کېږي.

د چين حکومت په ١٩٨٦ کال کې د اجباري ښوونې په اړه يو قانون خپور کړ چې له مخې يې د نهه کلنې اجباری ښوونې نظام جوړ شوی دی. له دې وروسته په چين کې اساسي سوونيزو چارو چټک پرمختګ موندلی دی. د ٢٠٠٧ کال تر پايه پورې، د چين په سلو کې د نهه نوي اعشاريه دری ماشومانو د اجباري ښوونې له نظام څخه ګټه اخېستې ده. تر ٢٠١٠ کاله پورې به دغه نظام په ټول چين کې تعميم شي.

لي چينګ مينګ د دغې تګلارې د پلی کېدو نه مخکې د حالت د يادونې په وخت کې وويل 

د دغې تګلارې د پلی کېدو نه مخکې مو هر کال څه باندې څلور سوه يوانه تعليمی لګښت ورکاوه او د ژوند د لګښت په ګډون ټول لګښتونه مو له يو زر يوانو څخه اوښتی و. زما کور بی وزلی دی، نو د دغو لګښتونو د ادا کولو توان يی نه درلود.

په ٢٠٠٦ کال کې د چين حکومت د اجباري ښوونې په اړه قانون تنظيم کړ چې د اجباري ښوونيز نظام د پلی کولو لپاره لازم پيسې د دولت په ملی بودجه کې برابرېږي. د دغې تګلارې سره سم په کليوالو سيمو کې د لومړی او منځني ښوونځي زده کوونکي نه يوازی له وړيا زده کړې څخه برخوردار دي، بلکې د ژوند مرستندويه پيسې هم لاس ته راوړي.

د لي چينګ مينګ مور وويل

دغه تګلارې زموږ د کورنۍ پر غاړه بارونه کم کړې دي. ډير خوشحاله يو چې حکومت زموږ لپاره دغه شان ښه تګلاره جوړ کړې ده.

د وو چوان په منځني ښوونځي کې څه باندې پنځه سوه تنه زده کوونکي د لي چينګ مينګ په شان له دغې تګلارې څخه ګټه اخلي. د چين د ښوونې وزارت د شمېرنې سره سم، په ٢٠٠٧ کال کې لږ تر لږه پنځلس زره مليونه تنه زده کوونکی له دغه نظام څخه برخمن وو.

اوس د وو چوان منځني ښوونځی ښوونيز چاپيريال هم ښه شوی دی. د دغه ښوونځي د دفتر مشر ګاو بينګ وي په خوشحالۍ سره وويل

د دغې تګلارې په رڼا کې په کليوالو سيمو کې د زده کوونکو فشارونه کم شوي او د زده کړې په اړه د دغو زده کوونکو او د دوی د کورنيو جذبات هم لوړ شوي دي. زموږ د ښوونځي په چاپيريال کې د حکومت د مرستې له لارې لوی بدلونونه رامنځته شوي دي.

په تېرو شپېتو کلونو کې چين له يو بی وزلی هېواد څخه د ښوونې په يو لوی هېواد بدل شوی دی. په بله ژبه اکثر زده کوونکي له وړيا ښوونې څخه ګټه اخلي.